Дорноговь аймгийн Зүүнбаян дахь хурандаа Д.Өлзийбаяр захирагчтай 336 дугаар ангид алба хааж байсан хугацаат цэрэг нас барсан хэрэг мягмар гаригт гарчээ.
Уг хэргийн талаар ЗХЖШ-аас тодруулахад “Ийм явдал болсон нь үнэн. Хэргийг шалгаж байгаа учир дэлгэрэнгүй мэдээлэл өгөх боломжгүй” гэсэн юм.
Эх сурвалжийн хэлж буйгаар Орхон аймгаас 2018 оны арваннэгдүгээр сард татагдан ирсэн 19 настай цэрэг өглөөний гүйлтэндээ гүйж байгаад ухаан алдаж, удалгүй нас барсан гэнэ. Одоогоор хэргийг хянан шалгаж байгаа бөгөөд нас барсан шалтгаан тодорхойгүй байгаа аж.
Харин зарим эх сурвалж хүүг зодож, тамлаж алсан байж болзошгүй хэмээн хардаж, цахим орчинд хүүгийн хөхөрч няцарсан бие бүхий зургийг нийтэлж эхлээд байна.
Энэ талаар дэлгэрэнгүй мэдээллийг бид эргэн хүргэх болно.
дурдахад, тус ангийн захирагч, хурандаа Д.Өлзийбаяр өмнө нь 350 дугаар ангийн захирагчаар ажиллаж байсан бөгөөд тус ангийн хоёр алба хаагч хээрийн сургуулилтын үеэр гранатанд өртөж нас барсан дуулиант үйл явдал болж байсан билээ. Тухайн үед хэргийг шалгаад хэрэгсэхгүй болгосон юм.
