39 дэх удаагийн номын баяр тавдугаар сарын 15-нд эхэлнэ

39 дэх удаагийн “Үндэсний бичиг соёл, номын өдрүүд” ирэх тавдугаар сарын 15-17-нд Төв талбайд болно. Номын баярт тогтмол 300 мянга гаруй уншигч, 500 гаруй зохиолч, хэвлэн нийтлэгчид оролцдог бөгөөд “Нөхөрлөлийн хөтөлбөр”-ийн хүрээнд гадаадын зохиолчид оролцох цар хүрээ нь өргөжсөн байна.

Энэ жилийн арга хэмжээг Монгол Улсын Ерөнхийлөгчийн ивээл дор холбогдох яамд болон Нийслэлийн Засаг даргын Тамгын газар хамтран зохион байгуулж байна. Зохион байгуулагчдын зүгээс нийт иргэд, албан байгууллага, хамт олныг номын баярт идэвхтэй оролцохыг урилаа.