УИХ-ын Төсвийн байнгын хороо Туулын хурдны замын ажлын хэсэг байгуулахыг дэмжсэнгүй

УИХ-ын Төсвийн байнгын хорооны хуралдаанаар Туулын хурдны замын төсөвт өртөг, ТЭЗҮ болон эдийн засгийн үр өгөөжийг судлах ажлын хэсэг байгуулах асуудлыг хэлэлцлээ. Хэлэлцүүлгийн явцад гишүүд байр сууриа илэрхийлж, санал хураалт явуулахад байнгын хорооны нийт 19 гишүүний 10 нь уг саналыг дэмжээгүй байна.

Тодруулбал, Ч.Номин, П.Сайнзориг, Х.Булгантуяа, Ж.Алдаржавхлан, Т.Аубакир, Б.Чойжилсүрэн нарын гишүүд ажлын хэсэг байгуулахын эсрэг санал өгсөн юм. Үүнтэй холбоотойгоор АН-ын бүлгийн гишүүд эсэргүүцэл илэрхийлж, байнгын хорооны ирцнээс гарлаа.