Хоёрдугаар сарын 22-ны шөнө 01:00 цагт Булган аймгийн Хишиг-Өндөр сумын иргэн 45 настай эрэгтэй Б сураггүй алга болжээ. Сураггүй алга болсон иргэн Б нь хамгийн сүүлд малчин Л-ийн гэрээс гарч яваад сураггүй болсон аж. Түүнийг согтууруулах ундааны зүйл хэтрүүлэн хэрэглэсэн үедээ морио унаад явсан гэж хамт байсан хүмүүс цагдаагийн байгууллагад мэдээлжээ.
Тус аймгийн Онцгой байдлын газар болон цагдаагийн газар хамтран нийт долоон алба хаагч эрэн хайх ажиллагааг зохион байгуулж байна. Алга болсон эр тус сумын Мааньт багийн гуравдугаар хорооны оршин суугч юм байна.
Б.Баатар
+ There are no comments
Add yours