НИТХ-ын даргад Р.Дагвыг нэр дэвшүүлнэ

НИТХ-ын ээлжит XXII хурал өнөөдөр 09:00 цагаас товлогдсон билээ. Гэсэн ч одоог хүртэл төлөөлөгчдийн ирц бүрдээгүй, хурал эхлээгүй байна.

Өнөөдрийн хурлаар:

  • НИТХ-ын даргыг үүрэгт ажлаас чөлөөлөх тухай,
  • НИТХ-ын сонгох тухай,
  • Орон нутгийн хамгаалалтад авах тухай,
  • Авто зам ашигласны төлбөрийн хувь хэмжээг тогтоох тухай асуудлуудыг хэлэлцэхээр тогтжээ.

НИТХ-ын дарга С.Амарсайхан Нийслэлийн Засаг дарга бөгөөд Улаанбаатар хотын захирагчид нэр дэвшин сонгогдсон. Тэрбээр сонгогдсон даруйдаа буюу өчигдөр тамга тэмдгээ гардан авсан билээ.

НИТХ-ын дарга нь Нийслэлийн Засаг даргаар томилогдсон учир түүний оронд хэнийг томилох бол мөн хэн нэрээ дэвшүүлэх бол гэсэн асуулт үүсээд буй.

Тэгвэл МАН-ын Удирдах зөвлөлөөс НИТХ-ын даргад НИТХ-ын төлөөлөгч Р.Дагвыг нэр дэвшүүлсэн байна. Тодруулбал, өмнө нь буюу Нийслэлийн Засаг даргад нэр дэвшүүлэх хүнийг тодруулах үеэрээ УЗ-өөс НИТХ-ын даргад Р.Дагвыг нэр дэвшүүлэхээр тогтсон байжээ. Түүнээс хойш НИТХ-ын даргад нэр дэвшигчийн асуудалд УЗ-ийн шийдвэр өөрчлөгдөөгүй байгааг албаны эх сурвалж хэллээ.

Түүнчлэн МАН-ын зүгээс НИТХ-ын даргад Р.Дагвыг нэр дэвшүүлж байгаа бол заалнаас хоёр ч төлөөлөгч нэрээ дэвшүүлэхээр яригдаж байгаа гэсэн мэдээлэл байна.

НИТХ-ын даргад нэр дэвшигч Р.Дагва нь эрх зүйч мэргэжилтэй. Тэрбээр Нийслэлийн Иргэдийн төлөөлөгчдийн хурал дах МАН-ын бүлгийн дарга.

Ажилласан байдал: МҮОНРТелевиз, НЗДТГ, СХД-ийн ЗДТГ

Сонгуульт ажил: МАН-ын Бага хурлын гишүүн, Нийслэлийн МАН-ын хурлын гишүүн, СХД- ийн МАН-ын хурлын тэргүүлэгч.

+ There are no comments

Add yours