Нийслэл 55 жилийн дараа цэвэрлэх байгууламжтай болох гэж байна

Нийслэл 55 жилийн дараа цэвэрлэх байгууламжтай болох гэж байна
БНХАУ-ын хөнгөлөлттэй зээлийн хөрөнгөөр баригдах шинэ төв цэвэрлэх байгууламжийн бүтээн байгуулалтын ажил өнөөдөр эхлэх гэж байна.

Байршлын хувьд Сонгинохайрхан дүүрэгт байрлах хуучин цэвэрлэх байгууламжийн орчимд шинэ барилгыг барина. Шинэ цэвэрлэх байгууламжийн бүтээн байгуулалтын ажлыг “Чайна тисижу сивил инженеринг групп ба Бээжин констракшн инженеринг групп консерциум” гүйцэтгэх юм.

Цэвэрлэх байгууламжийн шинэ барилгыг гурван жилийн хугацаанд барьж дуусгах буюу 2022 онд ашиглалтад оруулахаар төлөвлөжээ.

Төв цэвэрлэх байгууламжийг шинэчлэх төслийн өртөг нь 275 сая ам.доллар. Үүний 95 хувийг Хятадын тал гаргах гэрээтэй.

Цэвэрлэх байгууламжийг Францын “Артилло” компанийн ТЭЗҮ-д тулгуурлан барьж, 2022 онд ашиглалтад оруулахаар төлөвлөжээ.

Орчин үеийн дэвшилтэт технологи бүхий тус байгууламж ашиглалтад орсноор хоногт 250 мянган шоо метр буюу одоогийн цэвэрлэх байгууламжаас хоёр дахин илүү бохирыг цэвэршүүлэх боломжтой болно.

ТЦБ-ийн лагийг боловсруулан гаргаж авсан метан хийгээр байгууламжийн цахилгаан эрчим хүчний хэрэглээг хангаж, цэвэршүүлсэн бохир усыг нь үйлдвэрлэлд буюу ДЦС-3, ДЦС-4-ийн хөргүүрт ашиглаад зогсохгүй зүүн бүсийн усны хэрэгцээнд ашиглана гэсэн тооцоотой байгаа аж.

Одоогийн Төв цэвэрлэх байгууламж 1964 онд байгуулагдсан байна. Энэ цагаас хойш 2003-2004, 2007-2009 онуудад Испани улсын засгийн газрын хөнгөлөлттэй зээлээр тоног төхөөрөмжийн шинэчлэл хийгдэж байжээ.

“Улаанбаатар хотын төв цэвэрлэх” байгууламжийг барих төсөл”-ийн шав тавих ёслол өнөөдөр 11:40 цагт болох бөгөөд Монгол улсын ерөнхий сайд У.Хүрэлсүх, Барилга хот байгуулалтын сайд Х.Баделхан, БНХАУ-аас Монгол улсад суух онц бөгөөд бүрэн эрхт элчин сайд Шин Хайми болон засгийн газрын гишүүд, нийслэлийн удирдлагууд оролцоно.

Leave a Reply

Your email address will not be published.

Д.Сумъяабазар: Иргэдийн бухимдаж буй нь зөв. Бензиний үнэ 1550-1600₮ байх бүрэн боломжтой байсан

Д.Сумъяабазар: Иргэдийн бухимдаж буй нь зөв. Бензиний үнэ 1550-1600₮ байх бүрэн боломжтой байсан

“Нээлттэй Улаанбаатар” хэвлэлийн хурлын үеэр Улаанбаатар хотын Захирагч  Д.Сумъяабазар шатахуун хомсдсон асуудалд холбоотойгоор байр сууриа илэрхийллээ. Тэрбээр “Шатахууны асуудлыг энэ хэмжээнд хүргэх нь дордсоны шинж. Ялангуяа...