Б.Мандхай: “Насны хишиг”-ээ заавал өөрийн биеэр очиж авах шаардлагагүй

– Ахмадууд “Насны хишиг”-ээ заавал өөрийн биеэр очиж авах шаардлагатай юу?

– Нэрийн данс нээлгэж, карттайгаа холбосон тохиолдолд заавал өөрийн биеэр очиж “Насны хишиг”-ээ авах шаардлагагүй. Гэсэн ч ахмадууд нэрийн данс нээлгэх тал дээр төвөгшөөдөг юм шиг байна. “Насны хишиг” авах ахмадуудын 50 орчим хувь нь л нэрийн дансаа нээлгэсэн байгаа.

– Төрийн банк маш их дараалалтай байна. “Насны хишиг”-ийг хэдэн банкаар дамжуулан олгож байгаа вэ?

– Халамжийн мөнгийг Төрийн банк, ХААН банк, Капитал банкаар олгодог. Гэхдээ нийт халамжийн 80 орчим хувийг Төрийн банк олгож байгаа. Үүн дээр сар бүр олгогддог бусад төрлийн халамжтай “Насны хишиг”-ийн олголт давхацсан учраас дараалал маш ихээр үүсээд байна.

Энэ жилийн хувьд 130 мянга орчим ахмад настан “Насны хишиг” авч байгаа.