Нийгмийн халамжийн мөнгийг Төрийн банк, Хаан, Капитал банкаар өчигдрөөс олгож эхэлсэн. Хүүхдийн мөнгийг өнөөдрөөс /2019.01.24/ олгож эхэлсэн талаар Хөдөлмөр, халамжийн үйлчилгээний ерөнхий газраас мэдээллээд байна.
Нийгмийн халамжийн мөнгөний санхүүжилт зарим банкуудад орж эхлээгүй байгаа ажээ. Тодруулбал, өнөөдөр 11.30 цагийн байдлаар “Хаан” банканд нийгмийн халамжийн санхүүжилт орсон бол хүүхдийн мөнгөний санхүүжилт хараахан ороогүй юм байна.
Мөн “Төрийн банк”-ны Хан-Уул, Чингэлтэй, Баянгол дүүрэг дахь салбарын хүүхдийн мөнгөний санхүүжилт оржээ. Үлдсэн дүүргийн хүүхдийн мөнгөний санхүүжилт үдээс хойш болон маргааш хийгдэх аж.
“Капитал” банкны нийгмийн халамжийн санхүүжилт бүх дүүргүүдэд олгогдоогүй бол хүүхдийн мөнгөний олголт мөн адил эхлээгүй гэх мэдээллийг өгсөн юм. Нийгмийн халамжийн үйлчилгээнд:
- Тэтгэвэр, тэтгэмж
- Хөнгөлөлт, тусламж
- Цалинтай ээж хөтөлбөр
- Жирэмсэн эхийн тэтгэмж
- Алдарт эхийн одонгийн тусламж
- Алдар цолтой ахмад настны нэмэгдэл
- Насны хишгийн гэх мэт үйлчилгээ багтах юм.
+ There are no comments
Add yours