Улаанбаатарт 345 мянган тээврийн хэрэгсэл хөдөлгөөнд оролцдог

Ирэх оны төсвийн төсөл  хэлэлцэхтэй зэрэгцэн агаарын бохирдлын асуудал яригдаж байна. Улаанбаатар хотын агаарын бохирдлын эх үүсвэрийг авч үзвэл автомашины яндангаас гарч байгаа утааны хэмжээ жилээс жилд нэмэгдэж байгаа гэсэн судалгааны дүн бий.

Энэ нь хөдөлгөөнд оролцож оролцож буй тээврийн хэрэгслийн тоо нэмэгдэж байгаатай холбоотой юм. 2017 оны автомашины үзлэг оношилгооны дүнгээр 440 орчим мянган тээврийн хэрэгсэл бүртгэлтэй байгаагаас 345 мянган тээврийн хэрэгсэл Улаанбаатар хотод өдөр тутам хөдөлгөөнд оролцдог болох нь тогтоогдсон гэдгийг Нийслэлийн Засаг даргын орлогч Ж.Батбаясгалан хэллээ.