Монгол Улсын Ерөнхий сайд Л.Оюун-Эрдэнэ газар тариалангийн бүс нутаг Сэлэнгэ аймагт ажиллахдаа тус аймгийн Зүүнбүрэн сумын “Гэгээлэг трейд”, Цагааннуур сумын “Атар трейд” ХХК-ийн ургацын талбайгаар зочилж, ургац хураалтын үйл явц, тариаланчдын төлөөлөлтэй уулзаж, санал солилцсон юм. Сэлэнгэ аймаг нь үр тарианы 42%, төмсний 18%, хүнсний ногооны 30%-ийг дотооддоо хангадаг юм.
Тариаланчид газар тариаланг дэмжих 6 %-ийн хөнгөлөлттэй зээл, хөрсний үржил шимээ хадгалж хэрэглэсэн бордооны 30 хүртэл хувийн хөнгөлөлтийг аж ахуй нэгжүүдэд олгож байгаа нь бодит дэмжлэг болж байгаад талархал илэрхийлж байв.
Мөн тариалангийн талбайд мал оруулахгүй хамгаалах, тариалангийн талбайг хашаажуулахад төрийн зүгээс дэмжлэг үзүүлж, хууль, журмын хэрэгжилтийг хангуулах, төр, хувийн хэвшлийн уялдаа холбоог сайжруулах асуудал дээр онцгой анхаарч өгөийг ерөнхий сайдаас хүсэв.
+ There are no comments
Add yours