“Малын тоо толгойн албан татварын хуулийн хэрэгжилт” сэдэвт хэлэлцүүлэг боллоо.
Сэлэнгэ аймгийн Сант сумын Иргэдийн төлөөлөгчдийн хурлын дарга Л.Аварга “Манай сум 105 мянга гаруй малтай. Малын тоо толгойн албан татвараар жилд 130 сая төгрөг төвлөрдөг. Өнгөрсөн 2022 онд мал угаалга, худаг, малын хашаа бэлчээрийн сайжруулалт зэрэг олон ажил хийсэн. Гэвч зарим малчид татвараа төлөөгүйгээс хэд хэдэн ажил удааширсан. Малын нэг удаагийн угаалгад 25 сая төгрөгийг зарцуулдаг. Мал сүргийг тарилга, туулгалт, угаалгад тогтоосон хугацаанд бүрэн хамруулснаар арьсны шимэгчтэх өвчнөөс урьдчилан сэргийлж, арьс, ширний чанар болон ноос ноолуурын гарцыг мэдэгдэхүйц хэмжээгээр сайжруулдаг.
2020 оноос уг хууль хэрэгжсэнээс хойш зарим дутагдлууд гарч байна. Жишээ нь, малчдын хүүхдүүд бүгд дотуур байранд амьдарч байгаа. Тэдний амьдрах орчныг сайжруулах хөрөнгө оруулалт хийх мөн сумын төв руу зорчих замыг сайжруулах шаардлага тулгардаг. Тэдэнд малын эрүүл ахуй, бэлчээрээс гадна өөр зөндөө асуудал байгаа. Гэтэл энэ бүгдэд уг татвараас зарцуулах эрх байдаггүй. Манай сум
- адуу, ямаа, тэмээ-2000 төгрөг,
- Хонь, үхэр-1000 төгрөгөөр татвараа тогтоосон.
Өвөлжилтийн байдлаас шалтгаалж татвар төлөлт янз бүр байдаг. Учир нь мал сайн тэнхэрсний дараа малчид малаа худалдаалж татвараа төлдөг” гэлээ.
