Зуслангийн аль ч бүсэд хүн мал зорчиход хүндрэлтэй хашааг чөлөөлж байгаа гэв

Баянзүрх дүүргийн 20-р хороо Шар хоолойн аманд зөвшөөрөлгүй барьсан хашааг буулгах мэдэгдэх хуудсыг тус дүүргийн Засаг даргын өгсөн үүргийн дагуу хүргүүлжээ.
Зуслангийн бүсийн нийт 30,000 м2 талбайд барьсан төмөр хашааг буулгаж, мал амьтан чөлөөтэй зорчих орц гарцыг нээхийг тус мэдэгдэх хуудсаар дамжуулан энэ сарын 26-нд хүргэсэн байна. 
Энэ талаар Баянзүрх дүүргийн Олон нийттэй харилцах хэлтсийн дарга Б.Төгсбаяраас тодруулахад “Төв болон зуслангийн аль ч бүсэд хүн мал зорчиход хүндрэлтэй хашаа хайсыг чөлөөлж, нээж байгаа. Иргэд өөрийн эзэмшлийн зуслангийн газраа хашаалсны улмаас хүн мал зорчих боломжгүй болж байна. 
Шар хоолойн ам хэсгийн 30,000 м2 талбай дээр байгаа нийт иргэдийн хашаанд мэдэгдэх хуудас наасан. Хуулийн хугацаа буюу 7-14 хоногт хашаагаа буулгахгүй бол албадан буулгадаг зохицуулалттай” гэлээ.