Үл хөдлөх эд хөрөнгө зуучлалын чиглэлээр 1,370 агент ажиллаж байна

Энэ оны нэгдүгээр улирлын байдлаар Санхүүгийн зохицуулах хорооноос тусгай зөвшөөрөл авсан үл хөдлөх эд хөрөнгө зуучлалын чиглэлийн 262 компани, тэдгээрийн 282 брокер, 1,370 агент ажиллаж байна. Давхардсан тоогоор эдгээр байгууллага нийт 1,621 хэлцлээр 296.3 мянган м.кв талбай, 275.3 тэрбум төгрөгийн үнэ бүхий үл хөдлөх хөрөнгийг зуучлан худалдаж, шилжүүлжээ. Харин нийт 659 хэлцлээр 61.3 мянган м.кв талбай, 12.5 тэрбум төгрөгийн үнэ бүхий үл хөдлөх хөрөнгийг зуучлан хөлслүүлж, түрээслүүлсэн байна.

Үнэт металл, үнэт чулууны арилжаа эрхлэгчдийн салбар: Мөн улирлын байдлаар тусгай зөвшөөрөлтэй үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгч хуулийн этгээд 43, үнэт металл болон үнэт чулуугаар хийсэн эдлэлийн арилжаа эрхлэгч иргэн 244, үнэт металл, үнэт чулууны арилжаа эрхлэгч иргэн 130, үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгч иргэн 67 байна. Мөн улиралд 50.8 тэрбум төгрөгийн үнэт металлыг борлуулж, 39.3 тэрбум төгрөгийн үнэт металлыг худалдан авчээ.