Ё.Баатарбилэг: Хичээл, сургууль түр зогссонтой холбогдуулж зуны амралтыг хойшлуулахгүй

Гуравдугаар сарын 2-ныг хүртэлх хугацаанд ямар ажлуудыг зохион байгуулах талаар БСШУС-ын сайд Ё.Баатарбилэг дараах мэдээллийг өглөө.

Тэрбээр,

“ 1. Цэцэрлэг, ЕБС-ийн сурагчдын зуны амралт хугацаандаа эхэлнэ. Энэ жилийн хичээлийн хуваарь зургаадугаар сарын 5-нд дуусах байсан. Энэ хугацаандаа дуусна. Хичээл, сургууль гуравдугаар сарын 2-ныг хүртэл хойшилсонтой холбогдуулж зуны амралт хойшилно гэсэн ойлголт байхгүй.

2. Гуравдугаар улиралын амралт хоёр долоо хоног байсан. Үүнийг нэг долоо хоног болгож багасгана.

3. ЕБС-иуд гуравдугаар сарын сүүл болон дөрөвдүгээр сар гарах хугацаанд таван долоо хоногийн турш бямба гарагт тогтмол хичээллэхээр болж байгаа. Бямба гарагт хичээллэхтэй холбогдуулж багш нарт илүү цагийн мөнгө нэмж олгоно.

4. Энэ хугацаанд 18 телевизийн сувгаар теле хичээлүүд гарах төлөвлөгөөтэй байна. Бэлтгэсэн контентуудыг давтамжтайгаар, цагийг нь зөрүүлж хичээлүүдийг заана” гэлээ.