Нийслэлд хүмүүс угаартаж байгаатай холбоотойгоор холбогдох мэргэжлийн байгууллагууд иргэд олон нийтэд мэдээлэл өгдөг болоод байгаа. Өнөөдрийн байдлаар угаарын хийнд хордсон таван том хүн, дөрвөн хүүхэд эмнэлэгт хэвтэн эмчлүүлж байгаа аж. Ер нь аравдугаар сарын 3-наас хойш нийт 364 хүн угаарын хийн дуудлагаар Яаралтын тусламжийн төвд хандсан бөгөөд зургаан хүн амиа алдсан гэдгийг албаныхан хэлж байгаа. Гэтэл өнөө өглөөний 08.32 минутад Баянзүрх дүүргийн иргэн дуудлага өгөөд 10 минутын дараа түргэн тусламж очиход 25 настай иргэн Г нас барсан байжээ.

ОБЕГ-ын Гамшгаас урьдчилан сэргийлэх хэлтсийн дарга, хурандаа Г.Нэргүйн хэлсэнчлэн “Үхлийн шалтгаан нь угаарын хий гэхэд хэцүү. Яагаад гэвэл хамт амьдардаг 60 гаруй настай аав, ээж хоёрынх нь биеийн байдал хэвийн байгаа. Тэгэхээр нас барсан шалтгаан нь шүүх эмнэлгийн задлан шинжилгээ болон эрүүл мэнд, цагдаагийн байгууллагын үзлэг, шалгалтаар тодорхой болно” гэсэн юм.

Мөн өдөрт 10-15 өрхийн 20-30 хүн угаарын хийн асуудлаар тусламж дуудаж байгааг ч хэлсэн.

Leave a Reply

Your email address will not be published. Required fields are marked *

Previous post “11 хоногийн хугацаанд 267 хүн угаарын улмаас эмнэлэгт хандсан байна
Next post Амралтын өдөр угаартсан тухай 50 орчим дуудлага иржээ

More Stories

Цахим мөрийтэй тоглоом зохион байгуулсан 5 бүлгийн 34 этгээдийг баривчилж, 43.1 тэрбум төгрөгийн хууль бус гүйлгээг тогтоолоо

Пүрэв Дашдорж
5 days Ago

Цахим мөрийтэй тоглоом зохион байгуулсан 5 бүлгийн 34 этгээдийг дайчлан баривчилж, 43.1 тэрбум төгрөгийн хууль бус гүйлгээг тогтоож, өндөр үнэ...