Нийслэлийн Баянзүрх дүүргийн 12 дугаар хороонд АШУҮИС-ийн дэргэдэх Япон-Монголын Сургалтын эмнэлгийн барилга өнөөдөр ашиглалтад орлоо. Баянзүрх дүүргийн Засаг даргын Тамгын газар, Япон улсын буцалтгүй тусламж болон ЖАЙKA олон улсын байгууллагын төслийн хүрээнд баригдсан энэхүү эмнэлэг ашиглалтад орсноор АШУҮИС-ийн багш, оюутнууд сургалт хийхээс гадна амбулатори, хэвтэн эмчлүүлэх тасаг бүхий 104 орны хүчин чадалтайгаар эмнэлэгийн тусламж үйлчилгээг иргэдэд үзүүлэх юм.

2016 оны гуравдугаар сард эхлүүлсэн эмнэлгийн барилгын ажил дууссан бөгөөд ирэх зургадугаар сараас үйл ажиллагаагаа бүрэн эхлүүлэхээр төлөвлөсөн байна.
Түүнчлэн тус сургалтын эмнэлэгт сүүлийн үеийн дэвшилтэт техник технологи бүхий 360 гаруй тоног төхөөрөмж түүн дотроо 1.5 тесла хүчин чадалтай MRI, CT, ангиограф (бүхий л судасны зураг авдаг) зэрэг Монголд байхгүй оношилгооны аппаратууд дагалдаж байгаа юм.
Дашрамд тус сургалтын эмнэлгийн барилгыг хүлээн авах ёслолын арга хэмжээнд Япон улсаас Монгол Улсад Суугаа Онц Бөгөөд Бүрэн Эрхт Элчин сайд Масато Такаока, МУ-ын Ерөнхийлөгчийн зөвлөх Ж.Амарсанаа, УИХ-ын гишүүн Б.Саранчимэг, БСШУС-ын дэд сайд Г.Ганбаяр, дүүргийн Засаг даргын орлогч Б.Наранчулуун, АШУҮИС-ийн захирал Ж.Цолмон болон албаны бусад хүмүүс, оюутан сурагчид, эрдэмтэн багш нарын төлөөлөл оролцсон байна.

Leave a Reply

Your email address will not be published. Required fields are marked *

Previous post 2729 төгсөгч Монгол хэлний шалгалтын босго оноогоо давсангүй
Next post 10 настай хүүг мөргөж амь насыг нь хохироожээ!

More Stories

Нийслэлийн дахин төлөвлөлтийн төсөл хэрэгжүүлэх ААН-үүд шалгарч, батламжаа гардан авлаа

Пүрэв Дашдорж

Нийслэлээс ашиглалтын шаардлага хангахгүй болсон орон сууцыг буулгаж, оршин суугчдын амьдрах нөхцөлийг сайжруулж барилгажуулах дахин төлөвлөлтийн төслийг хэрэгжүүлж буй. Энэ...