МҮХАҮТ-ын Ерөнхийлөгчид таван эрхэм нэрээ дэвшүүлжээ

Монголын Үндэсний Худалдаа Аж Үйлдвэрийн Танхимын ээлжит XX их хурал өнөөдөр болж байна.

Дөрвөн жилд нэг удаа болдог энэхүү их хурлаар тайлант хугацаанд хийсэн ажилд үнэлэлт дүгнэлт өгч, ирэх жилүүдийн зорилтоо тодорхойлох, МҮХАҮТын дүрэмд нэмэлт өөрчлөлт оруулахаас гадна танхимын удирдах байгууллага, албан тушаалтнуудыг сонгох юм.

Монголын Үндэсний Худалдаа Аж Үйлдвэрийн танхимын ерөнхийлөгчид дараах таван хүн нэр дэвшиж байгаа юм. Тодруулбал,

  1. “Ард санхүүгийн нэгдэл”-ийн гүйцэтгэх захирал Ч.Ганхуяг
  2. МҮХАҮТын ерөнхийлөгчөөр одоо ажиллаж буй Б.Лхагважав
  3. “Буян” компанийн захирал Б.Жаргалсайхан
  4. “UFC” группийн ерөнхийлөгч О.Амартүвшин
  5. “Өгөөж Чихэр Боов” ХХК-ийн захирал С.Түмэнгэрэл нар болно.

Танхимын ерөнхийлөгчид нэр дэвших хугацаа энэ сарын 26-ны өдрөөр дуусгавар болсонбөгөөд ингэснээр заалнаас нэрээ дэвшүүлэх боломжгүй болж байгаа юм. 

Б.Лхагважав ерөнхийлөгчийн хувьд  дөрөв дэх жилдээ ажиллаж байна. Эргэн сануулахад өмнөх XIX их хурлаар МҮХАҮТын дүрэмд өөрчлөлт оруулж,  нэг хүн хязгааргүй удирдах боломжийг халсан байдаг. Ингэснээр удирдах албан тушаалтнуудыг Удирдах зөвлөлийн 75 гишүүний саналаар сонгох бөгөөд МҮХАҮТын ерөнхийлөгчид нэг хүн нэг удаа улиран сонгогдох эрхтэй буюу найман жил ажиллах боломжтой болгон өөрчилжээ.

МҮХАҮТ нь бизнесийн таатай орчныг бүрдүүлэхэд нөлөөлөгч, өмгөөлөгч, бизнесийн хөгжилд чиглүүлэгч, холбогч, дэмжигч байх зорилготой юм.

+ There are no comments

Add yours