Амиа алдсан Булган аймгийн хэсгийн төлөөлөгчийн хэрэгт Х.Бат-Ялалтыг шалгаж эхэлжээ

Амиа алдсан Булган аймгийн хэсгийн төлөөлөгчийн хэрэгт Х.Бат-Ялалтыг шалгаж эхэлжээ

Өнгөрөгч 2018 оны аравдугаар сард Булган аймгийн Гурванбулаг сумын хэсгийн төлөөлөгч Э.Мөнхтулга албан үүргээ гүйцэтгэж байгаад амиа алдсан харамсалтай хэрэг гарсан талаар бид мэдээлсэн.

Тодруулбал, талийгаач Э.Мөнхтулга нь нас барахаасаа өмнө малын хулгайн хэрэг шалгаж байсан бөгөөд энэ үед Иргэний нийгмийн байгууллагын төлөөлөгч, хуульч Х.Бат-Ялалт очиж, хэрэгтний өмгөөлөгчөөр ажиллаж байгаа хэмээн талийгаачтай маргалдаж улмаар бичлэг хийн нийтийн сүлжээнд тавьсан байдаг.

Х.Бат-Ялалтыг талийгаачид сэтгэлзүйн дарамт үзүүлж, амь насаа алдахад хүргэсэн байж болзошгүй хэргээр шалгаж эхэлсэн талаар албаны эх сурвалж мэдээлсэн юм.

Учир нь талийгаачийн ар гэрийнхний зүгээс Х.Бат-Ялалтыг талийгаачийн үхэлд буруутай гэж үзэн, цагдаагийн байгууллагад гомдол гаргасны дагуу түүнд Булган аймгийн цагдаагийн газраас Эрүүгийн хуулийн 21.8, 21.9-д зааснаар хэрэг бүртгэлтийн хэрэг үүсгэн, шалгаж эхэлжээ. Тухайлбал, Х.Бат-Ялалтыг Монгол Улсын Эрүүгийн хуулийн 21.8 дугаар зүйл буюу Хуульчийн мэргэжлийн нэрийг хууль бусаар хэрэглэх, 21.9 дүгээр зүйл буюу Мөрдөн шалгах ажиллагааны нууцыг задруулах гэсэн зүйл ангиар шалгаж байна.

Leave a Reply

Your email address will not be published.