Баасан гаригийн Бямба руу шилжүүлэх үү

Баасан гаригийн Бямба руу шилжүүлэх үү

Сар шинийн баяртай холбогдуулан ирэх долоо хоногийн мягмар гаригаас пүрэв гариг хүртэл гурван өдөр бүх нийтээр амрах шийдвэр гараад буй. Харин баасан гаригт ажил цуглаж, төрийн болон хувийн хэвшлүүд хэвийн ажиллана.

Сургууль, цэцэрлэг амарч, их сургуулийн оюутнуудын улирлын амралт таарсан эдгээр өдрүүдэд шинэлээчид хөдөө орон нутгийг ихээр зорих учир сар шинийн баярт таарч буй баасан гаригийн ажлын өдрийг энэ бямба гаригт /2019.02.02/ шилжүүлэх сонирхолтой байгаа. Учир нь ирэх баасан гаригт амарвал иргэд нийт зургаан өдөр амрах боломжтой болох юм.

image

Гэвч энэ асуудлыг Засгийн газраар хэлэлцэж байж, шийдэгдэнэ. Засгийн газар энэ лхагва гаригт буюу маргааш хуралдах боловч дээрх асуудлыг авч хэлэлцэх эсэх нь одоогоор тодорхойгүй байгаа юм.

Хөдөө орон нутагт суугаа хөгшид, настнуудаа жил бүр зорьдог иргэдийн зүгээс энэ шийдвэрийн хүлээлт өндөр байгаа. Нөгөөтэйгүүр, гурван өдрийн амралтын дараа ганцхан өдөр ажиллачихаад эргээд хоёр өдөр амрах учир баасан гаригт аль аль талдаа ажил цалгардах магадлалтай гэж иргэд үзэж байна.

Leave a Reply

Your email address will not be published.