“Олимпизмыг аврах хөдөлгөөн”-өөс Д.Загдсүрэнг шалгуулахыг хүсчээ

Монголын “Олимпизмыг аврах хөдөлгөөн”-ий тэргүүн Чимэддоржийн Бат-Эрдэнэ Монголын үндэсний олимпийн хорооны дарга Д.Загдсүрэнг шалгуулахыг хүсч,  НҮБ-ын Ерөнхий нарийн бичгийн дарга асан, Олон улсын олимпийн хорооны Ёс зүйн хорооны одоогийн дарга Бан Ги Мунд 2018 оны 12 дугаар сарын 28-ны өдөр захидал илгээсэн тухай дэлхийн спортын мэдээллийн томоохон сайт болох “INSIDETHEFGAMES” мэдээлжээ.

“Олимпизмыг аврах хөдөлгөөн” хэмээх ТББ нь МҮОХ-ны дарга Д.Загдсүрэнг сүүлийн дөрвөн жилийн хугацаанд Монгол дахь олимпизмын нэр хүндийг гутааж, уландаа гишгэж байна. Тиймээс үүрэгт ажлаасаа огцрох ёстой хэмээн үзэж, ийнхүү захидал илгээсэн аж.

Захидалд тус хөдөлгөөнөөс Д.Загдсүрэнг огцрохыг удаа дараа шаардаж байгаа ч хараахан амжилт олоогүй байгаа болон а влигын хэрэгт хэдэнтээ холбогдсон Д.Загдсүрэн нь 2017 онд улиран сонгогдсоноор тасралтгүй 20 жил тус байгууллагыг удирдаж байгаа тухай онцолсон байв.

Эх сурвалж: INSIDETHEGAMES