Хотын даргын “тулаан”-д С.Амарсайхан,Р.Дагва нар тунасан уу

Су.Батболд ажлаа хүлээлгэн өгсөнөөс хойш хотын даргын суудалд санаархсан хүмүүсийн цуваа хөдөлгөөнд орсон. Нийслэлийн иргэдийн төлөөлөгчдийн хурлын дарга С.Амарсайхан, төлөөлөгч Р.Дагва, Оюутолгойн төлөөлөн удирдах зөвлөлийн гишүүн Б.Мөнхбаатар, УИХ-ын гишүүн Д.Нямбаатар, Д.Сумьяабазар, Ж.Энхбаяр гэх мэтээр Улаанбаатар хотын захирагчийн албан тушаалд санаархагчдын нэрс хэвлэлээр цацагдаж, өөр өөрсдийн хүрээллээрээ мэдээлэл сэвж, савж багагүй хугацааг үдээд байгаа.

Багагүй хугацаанд, богино зайны марфонид хэн нь хэн бэ гэдгийг харуулах мөчөөрхөл, санаархалыг давж, Улаанбаатар хотын захирагчаар хэн сонгогдож, МАН-д байгаа хэний фракц хотод ялах бол гэсэн хүлээлтийг хотын даргад нэр дэвшиж байгаа эрхэмүүд үүсгээд буй. Харин энэ их санаархлын эхлэл тавигдсан шигээ төгсгөл нь энэ сарын 28 буюу ирэх даваа гарагт тавигдах юм.

Нам доторх ойрын эх сурвалжаас авсан мэдээллээр хоёрхон хоногийн дараа тодрох хотын даргад Нийслэлийн иргэдийн төлөөлөгчдийн хурлын дарга С.Амарсайхан, нийслэлийн иргэдийн хурлын төлөөлөгч Р.Дагва нар тунаж үлдсэн байна. Ингэснээр “Оюутолгой”-н төлөөлөн удирдах зөвлөлийн гишүүн Б.Мөнхбаатар нэрээ татжээ.

Ингэснээр УИХ-ын гишүүн Д.Сумьбазарын, МАН-ын ерөнхий нарийн бичгийн дарга Д.Амарбаясгалангийн фракци тунаж үлдэж байгаа юм. Харин хотын Засгийг тодруулах багийн хувьд багаасаа сонгох санал давуу байр суурьтай байгаа бөгөөд нэр дэвшигчдээс үлдсэн хоёрын хувьд төлөөлөгчдийн дунд хэн илүү нэр хүндтэй нь гарч ирэх магадлалтай.

Гэхдээ энэ бол зүгээр л хөшигний нэг тал бөгөөд нөгөө талд МАН-ын Нийслэлийн намын даргын сонгууль шиг “хэн тараасан нь буюу хэн худалдаж авсан нь” ялах магадлал байгааг намын цагаан байшин дахь жиг жугаас хэдийнэ тодорхой болж эхэлжээ…

С.Баяр