Хар масктай дээрэмчдийг баривчилжээ

1 min read

Энэ сарын 18-19-ний шөнө 05:00 цагт Чингэлтэй дүүргийн гуравдугаар хороонд байрлах “Цомбо бөөний төвийн хашаанд үл таних гурван залуу халдан харуулд хутга тулгаж, дээрэмдсэн хэрэг гарсан талаар мэдээлсэн билээ.

Дээрх гурван этгээд “Фарм Трейд ХХК”-ийн байранд хар өнгийн маск зүүсэн, бараан хувцастай гурван залуу хашааны хаалгыг эвдэн орж улмаар харуулын үүрэг гүйцэтгэж байсан эрэгтэй 56 настай Э гэх ажилтанд хутга тулгаж гар болон биеийг нь скочдож үлдээгээд тус төвийн чингэлэгт байсан эд зүйлийг дээрэмдсэн юм.

Сэжигтэн этгээдүүд нийт 20 сая орчим төгрөгний барааг дээрэмдэн авч, хэргийн газраас зугтсан аж.  Уг хэргийг үйлдсэн хар масктай этгээдүүдийг эрэн сурвалжлах ажиллагааг орон даяар явуулсны үр дүнд энэ сарын 23-ны өдөр гэртээ байхад нь Эрүүгийн цагдаагийн алба хаагчид дайчлан баривчилжээ. Хэргийг харъяаллын дагуу Чингэлтэй дүүргийн цагдаагийн нэгдүгээр хэлтэст хэрэг бүргэлийн ажиллагаа нээж, мөрдөн шалгаж байна.

+ There are no comments

Add yours