Төрийн ордныг согтуу жолооч мөргөж, осол гаргажээ

Өнөөдөр Нийслэлийн Сүхбаатар дүүргийн нутаг дэвсгэрт харьяалагдах Төрийн ордныг согтуу жолооч автомашинаараа мөргөсөн осол гаргажээ.

Тодруулбал, өдрийн 10:00 цагийн орчимд Тоёота Приус-20 маркийн автомашин дээрх осол гарсан бөгөөд Тээврийн цагдаагийн алба хаагчид ослын газрын хэмжилт хийж, бүртгэл үйлдсэн байна. Одоогоор Сүхбаатар дүүргийн Замын цагдаагийн алба уг ослын бүртгэлийг үйлдэж байгаа аж. Согтуугаар автомашин жолоодож явсан этгээдийг эрүүлжүүлэх арга хэмжээ авч байгаа гэдгийг эх сурвалж мэдээлэв.

Энэ талаар тээврийн цагдаагийн албанаас тодруулахад: Төрийн ордон мөргөсөн осол гаргасан нь үнэн. Гэхдээ манай дээр тухайн ослын мэдээлэл ирээгүй байна. Учир нь Төрийн ордон нь Монгол Улсын төрийн тусгай хамгаалалттай онцгой бүс учир хэргийг ослын хэргийг харьяаллын дагуу цагдаагийн байгууллага бус Төрийн тусгай газарт шалгана гэв.