Бусдын биеийг хууль бусаар үнэлүүлж байсан эмэгтэйг баривчилжээ

Арванхоёр дугаар сарын 11-ний 18:30 цагт Цагдаагийн байгууллагаас Баянзүрх дүүргийн долоодугаар хорооны нутаг дэвсгэрт байрлах орон сууцны өргөтгөлд хууль бусаар бусдын биеийг үнэлүүлдэг байсан этгээдийг дайчлан баривчилжээ.

Тодруулбал, иргэнээс цагдаагийн байгууллагад “Саун массаж ажиллаад байна” гэсэн мэдээлэл ирсэн байна. Уг мэдээллийн дагуу шалгахад Дархан-Уул аймгийн харьяат 29 настай эмэгтэй “Н” нь хууль бусаар бусдын биеийг үнэлүүлж байсан тогтоогдсон аж. Хэргийг одоогоор Баянзүрх дүүргийн цагдаагийн хэлтэс хэрэг бүртгэл үүсгэн шалгаж эхэлжээ. Хууль бусаар бусдын биеийг үнэлүүлсэн гэх сэжигтэн Н-д Эрүүгийн хуулийн тусгай ангийн 13,1-т зааснаар “Хүн худалдаалах, бусдын биеийн хууль бусаар үнэлүүлэх, бусад хэлбэрээр бэлгийн мөлжлөг, хүчирхийлэлд оруулах, боолчлох зэрэг зүйл ангиар Эрүүгийн  хэрэг үүсгэх юм.

Хуулийн заалтыг тодруулбал, ХҮНИЙ ХАЛДАШГҮЙ, ЧӨЛӨӨТЭЙ БАЙХ ЭРХИЙН ЭСРЭГ ГЭМТ ХЭРЭГ 13.1 дүгээр зүйл.Хүн худалдаалах 1.Биеийг нь үнэлүүлэх, бусад хэлбэрээр бэлгийн мөлжлөг, хүчирхийлэлд оруулах, боолчлох, түүнтэй ижил төстэй нөхцөлд байлгах, эд, эрхтнийг авах, албадан хөдөлмөрлүүлж мөлжих зорилгоор хүч хэрэглэж, хүч хэрэглэхээр заналхийлж, хулгайлж, хууран мэхэлж, итгэл эвдэж, эрх мэдлээ урвуулан ашиглаж, эмзэг байдлыг нь далимдуулж, эсхүл хяналтдаа байлгаж байгаа хүнд төлбөр төлж, хахуульдаж хүнийг эрхшээлдээ оруулан элсүүлсэн; тээвэрлэсэн; орогнуулсан; дамжуулсан; хүлээн авсан бол хоёр жилээс найман жил хүртэл хугацаагаар хорих ял шийтгэнэ.

2.Энэ гэмт хэргийг:

2.1.хүүхэд, жирэмсэн эмэгтэйг мэдсээр байж;

2.2.хоёр, түүнээс олон хүнийг худалдаалж;

2.3.Монгол Улсын хилээр нэвтрүүлж үйлдсэн бол таван жилээс арван хоёр жил хүртэл хугацаагаар хорих ял шийтгэнэ.

3.Энэ гэмт хэргийг:

3.1.байнга тогтвортой;

3.2.зохион байгуулалттай гэмт бүлэг үйлдсэн бол арван хоёр жилээс хорин жил хүртэл хугацаагаар, эсхүл бүх насаар хорих ял шийтгэнэ.

Тайлбар: -Хүүхдийн эсрэг энэ гэмт хэргийг үйлдсэнд тооцоход энэ зүйлийн 1 дэх хэсэгт заасан аргаар үйлдсэн байхыг шаардахгүй. -Энэ гэмт хэргийг үйлдсэнд тооцоход хохирогч өөрийг нь энэ зүйлийн 1 дэх хэсэгт заасан аргаар хохироож байгааг өөрөө зөвшөөрсөн эсэх нь гэмт хэргийн зүйлчлэлд нөлөөлөхгүй хэмээн заажээ.