Их хэмжээний загас, нугасны мах хууль бусаар оруулж иржээ

БЗД-ийн 10, 14-р хороонд байрлах Их сүлд группийн хашаа, Орнитал Велнессийн баруун талын каргоны хашаанд 2018 оны 11 дүгээр сарын 01-ний өдөр Замын-Үүдээс зөвшөөрөлгүй хүнсний бүтээгдэхүүн тээвэрлэж ирсэн иргэдийн үйл ажиллагаанд НМХГ-ын ХАБХААХХ, ЭИХХЦХХ, БЗД дэх МХХ-ийн холбогдох чиглэлийн улсын /ахлах/ байцаагчид хяналт шалгалт хийлээ.

Зориулалтын бус тээврийн хэрэгслээр хүнсний бус бараа бүтээгдэхүүнтэй цуг гарал үүсэл тодорхойгүй, хаяг шошгын зөрчилтэй, холбогдох баримт бичиггүй, эзэн холбогдогч тодорхойгүй 11 нэр төрлийн 430 хайрцаг, 4.7 тн тахиа, гахай, загас, нугасны мах, амталсан ногоо, ундааны хандыг илрүүлж, түр хугацаагаар битүүмжилж илэрсэн зөрчлийн дагуу холбогдох арга хэмжээг авч ажиллаж байна.

Эдгээр бүтээгдэхүүнийг оруулж ирсэн иргэд хувийн хэрэгцээний зориулалтаар хэмээн бага хэмжээгээр ганзагаар оруулж ирж, Замын-Үүдэд агуулахад бөөгнүүлж байгаад Улаанбаатар хотод зориулалтын бус тээврийн хэрэгслээр оруулж ирдэг байна

+ There are no comments

Add yours