УИХ-ын гишүүн асан Б.Гарамгайбаатар, Н.Батбаярт холбогдох хэргийн шүүх хурал болно

Өнөөдөр Баянгол дүүргийн Эрүүгийн хэргийн анхан шатны шүүхэд Ч.Отгонбаяр Б.Гарамгайбаатар Р.Онон Н.Батбаяр нарт холбогдох хэргийн урьдчилсан хэлэлцүүлгийн шүүх хурал болно. Уг хэлэлцүүлгээр анхан шатны шүүх хурлын товыг тодорхой болгох юм.

Н.Батбаярын хувьд АН-ыг эрх барьж байх үед Эдийн засгийн хөгжлийн сайдаар ажиллаж, “Чингис”, “Самурай” бондын мөнгийг захиран зарцуулахдаа өөрт ашигтай байдлаар албан тушаалаа урвуулан ашигласан гэх хэрэгт буруутгагдан АТГ-аас Эрүүгийн хэрэг үүсгэн шалгагдсан байдаг.

Мөн Эрүүгийн хуулийн тусгай ангийн 150.3, 263.2-т заасны дагуу яллагдагчаар татсан Б.Гарамгайбаатарын хувьд бондын мөнгөнөөс их хэмжээний зээл авч өөрийн компани руугаа оруулсан, зээлээ эргэн төлөөгүй гэх асуудлаар шалгуусан. Тэдний хэргийг шалгах ажил үндсэндээ прокурорын шатанд дууссан бөгөөд ийнхүү шүүх рүү шилжээд буй юм.