Зөвлөгөөнөөр гэмт хэргийн илрүүлэлт, мөрдөн шалгах ажиллагааны үр нөлөөг дээшлүүлэх, мөрдөгчдийн өмнө тулгамдаж буй асуудал, шийдвэрлэх арга зам, хүний эрхийн баталгааг хангах, хууль сахиулах байгууллагын шинэчлэлийг эрчимжүүлэх асуудлыг хэлэлцэж байна.
Зөвлөгөөнд Монгол Улсын Ерөнхийлөгч Ухнаагийн Хүрэлсүх, Хууль зүй, дотоод хэргийн Сайд С.Амарсайхан, Цагдаагийн ерөнхий газрын дарга, дотоодын цэргийн командлагч хошууч генерал Ж.Болд, Прокурор, Авлигатай тэмцэх газар, Тагнуулын ерөнхий газрын удирдлага болон мөрдөгчдийн төлөөлөл, нийслэл, орон нутгийн нийт 2200 гаруй мөрдөгч, алба хаагч танхимаар болон цахимаар оролцож байна.
Зөвлөгөөний үеэр мөрдөн шалгах ажиллагааг шинжлэх ухаан, техник, технологийн дэвшилд тулгуурлан хөгжүүлэх, хууль эрх зүйн орчныг боловсронгуй болгох, хүний нөөцийн чадавхыг бэхжүүлэх чиглэлээр санал, шийдлийг хэлэлцэж, хууль сахиулах байгууллагын үйл ажиллагааг шинэ шатанд гаргах зорилтыг онцоллоо.
