Гадна зар сурталчилгаа, хаягийн байгууламжийн стандартыг хангуулах чиглэлээр уулзалт зохион байгууллаа

Нийслэлийн Засаг даргын 2026 оны А/143 дугаар захирамж, Улаанбаатар хотын Захирагчийн 2026 оны А/45 дугаар тушаалын хүрээнд нийтийн эзэмшлийн гудамж, зам, талбайд байршуулсан гадна зар сурталчилгаа, гадна хаяг, хаягийн байгууламжийн стандартыг хангуулах, зөрчил арилгах ажлыг хэрэгжүүлж байна.

Энэ хүрээнд 2026 оны 03 дугаар сарын 24-ний өдөр дүүргийн нутаг дэвсгэрт үйл ажиллагаа явуулж буй хэвлэлийн компаниудын төлөөлөлтэй уулзалтыг Хяналт шалгалтын газар, Хот байгуулалт, хотын стандартын газар, Хан-Уул дүүргийн Засаг даргын Тамгын газрын Хүнс, худалдаа, үйлчилгээний хэлтэс болон Хотын стандарт, тохижилт, нийтийн аж ахуйн хэлтэс хамтран зохион байгууллаа.