АНУ-ын Ерөнхийлөгч Д.Трампын засаг захиргаа ойрын үед бразил кофены импортын татварыг тэглэх боломжийг судалж байна. Энэ тухай CNN Brasil телевиз дипломат эх сурвалжаас эшлэн мэдээлэв.
Түүнчлэн АНУ-ын Төрийн нарийн бичгийн дарга М.Рубио, Бразилын Гадаад хэргийн сайд М.Виейра нарын Вашингтонд хийх уулзалтын гол хэсэг нь татвараас чөлөөлөх асуудал байх болно. Эх сурвалжийн мэдээлснээр санаачилгыг Цагаан ордон гаргажээ.
“Д.Трамп АНУ-д кофены үнийг бууруулахын тулд яаралтай арга хэмжээ авахыг аль хэдийнэ шаардсан” гэж эл телевизийн эх сурвалж онцолсон байна. Татварыг тэглэх нь бразил кофе зах зээлд нь нэлээд хувь эзэлдэг уг орны хэрэглээний үнэд ихээхэн нөлөөлнө.
