Завхан аймгийн төв Улиастай сумыг улсын төсвийн 550 сая төгрөгийн өртгөөр камержуулж бүрэн ашиглалтад оруулжээ.
Нийтийн эзэмшлийн авто зам, гудамж талбайд хөдөлгөөнт болон дугаар таних камер 10 ширхэг, чиглэлийн камер 332 ширхгийг байршуулж, камержуулалтын ажлыг “Төгс электроникс”ХХК хийжээ.
Завхан аймаг өнгөрсөн жилээс эхлэн 24 сумын хэмжээнд байгаа камержуулалтыг шалгах, бүртгэх, ажиллагаагүй байгаа камеруудыг засах, шинээр нэмж тавих зэрэг ажлыг эрчимтэй хийж эхэлсэн.
Үүний үр дүнд өнөөдрийн байдлаар 18 сумын төвийг бүрэн камержуулсан байна. Аймгийн хэмжээнд давхардсан тоогоор 660 гаруй камер суурилуулжээ. Эдгээрийн 86 хувь нь хэвийн ажиллагаатай, харин үлдсэн хувь нь ажиллагаагүй байна. Мөн аймгийн орох, гарах замуудад дугаар таних болон хөдөлгөөнт камер суурилуулсан байна.
Камержуулах ажил бүрэн дуусаж ашиглалтад орсноор гэмт хэргээс урьдчилан сэргийлэх, иргэдэд амар тайван орчин бүрдүүлэх. Автозамын хөдөлгөөнийг хянах, хүрээлэн байгаа орчны гэмт хэрэгтэй тэмцэх. Олон нийтийн газар үйлдэгдэж байгаа гэмт хэргийг таслан зогсоох, илрүүлэх, хүүхэд хамгааллын олон талын эерэг үр дүнг авчирдаг.
Аймгийн төвийн камержуулалтын нэгдсэн төвийг аймгийн Цагдаагийн газарт байршуулан хянах юм гэж Улиастай сумын ЗДТГ-аас мэдээлэв.
Чигийн болон, 360 градус эргэдэг хөдөлгөөнт хяналтын камер 10 ширхгийг суурилуулжээ
