Автомашин хулгайлж, зохицуулагчийн дохиог зөрчин зугтаасан иргэнийг шалгаж байна

Цагдаагийн алба хаагчийн зохицуулагчийн дохиог зөрчиж, зугтаасан автомашиныг албадан зогсоох ажиллагааг явуулжээ. 

Тодруулбал Булган аймгийн цагдаагийн газрын алба хаагчид “Шугаман эргүүл-хар хэсэг” арга хэмжээний хүрээнд үүрэг гүйцэтгэх явцад нэр бүхий иргэн зохицуулагчийн дохиог зөрчиж, зугтаасан байна. 

Шалгалтаар 20 настай иргэн Д нь зургаадугаар сарын 10-ны өдөр Хөвсгөл аймгийн нутаг дэвсгэрээс бусдын эзэмшлийн “Hyundai FIT” маркийн тээврийн хэрэгслийг хулгайлсан болохыг тогтоож шалгалтын ажиллагааг явуулж байгааг мэдээллээ.