Хан-Уул дүүргийн Засаг даргын “Эко-Эрүүл дүүрэг” хөтөлбөр, “Хоггүй Хан-Уул” аяны хүрээнд дүүргийн нутаг дэвсгэрийн хэмжээнд хаврын их цэвэрлэгээ өнөөдөр өглөөний 10:00 цагт эхэлсэн.
Туул голын ай сав дагуу түүвэр хог хаягдлыг дүүргийн Засаг даргын дэргэдэх хэлтэс, албадын 500 гаруй ажилтан, албан хаагчид цэвэрлэж, тохижилт үйлчилгээний байгууллагууд хогийг тухай бүр ачиж тээвэрлэн ажиллаж байна.
Дүүргийн хэмжээнд зам талбай хариуцсан 13 байгууллага их цэвэрлэгээнд хариуцсан зам талбайн тэмдэг, тэмдэглэгээ, хогийн сав суллалт, автобусны буудал сандал, самбарын угаалга цэвэрлэгээ, жалга шуудуу, түүвэр хог хаягдлыг цэвэрлэн цэвэрлэгээнээс гарсан хог хаягдлыг дор бүр нь ачиж тээвэрлэн ажиллаж байна.
