СЭРЭМЖЛҮҮЛЭГ: Өнгөрсөн шөнө нэг иргэн галд өртөж амиа алджээ

Улсын хэмжээнд өнгөрсөн өдөр гал түймрийн зургаан дуудлага бүртгэгджээ. Үүнээс гурав нь Улаанбаатарт, гурав нь орон нутагт гарсан гал түймрийн дуудлага байна.

Эдгээрээс Улаанбаатарт гарсан гал түймэрт нэг иргэн өртөж, амиа алдсаныг ОБЕГ-аас мэдээллээ.

Тодруулбал өнгөрсөн шөнө 00:35 цагт Сүхбаатар дүүргийн нутаг дэвсгэрт амбаар шатаж байна гэсэн дуудлагын дагуу Онцгой байдлын байгууллагын алба хаагчдыг очиход галд 48 настай, эрэгтэй галд өртсөн байжээ.

Мөн Сонгинохайрхан дүүрэгт гарааш, “Сонато-6” загварын суудлын автомашин шатаж, 40 настай, эрэгтэйн нүүр бага зэрэг түлэгдсэн байсныг яаралтай түргэн тусламжийн төвд хүлээлгэн өгсөн байна.

Бусад дуудлагын тухайд байшингийн дээвэр, амбаар шатаж байсныг унтраажээ.

Цахилгааны аюулгүй байдлыг хангах, зориулалтын бус аргаар тээврийн хэрэгслийг халаахгүй байх, угаар мэдрэгчийг зөв байрлуулах зэргээр гал түймрийн аюулаас өөрийгөө болон бусдыг хамгаалахыг сэрэмжлүүллээ.