“Автозогсоолын цагийн төлбөр 5000 төгрөг болно”

Улаанбаатар хотын хэмжээнд нийт 70.000 автозогсоол бий гэх судалгааны дүн мэдээ гарчээ. Үүнд байр орон сууцны болон төр, үйлчилгээний байгууллагуудын гаднах автозогсоолыг хаммаатуулан тооцсон байна. Одоогийн байдлаар зогсоолуудын нэг цагийн төлбөр 1000 төгрөг байгаа бол үүнийг нэмэгдүүлж 5000 төгрөг болгох юм байна. Тодруулбал, хотын “А” бүс буюу зүүн дөрвөн замаас баруун зам хүртэлх автозогсоолуудын нэг цагийн төлбөр 5000 төгрөг байх бол зүүн дөрвөн замаас офицер, баруун дөрвөн замаас Драгон хүртэлх зогсоолуудын төлбөр 4000 төгрөг байхаар тооцоолжээ. Мөн Драгон төв болон Офицероос цааш нэг цагийн төлбөр 3000 төгрөг байх аж.

Ингэхдээ тухайн зогсоолд иргэд машинаа байршуулах дээд хугацаа хоёр цаг бол доод хязгаар 30 минут байхаар зааж өгчээ. Дээрх шийдвэрийг гаргах болсон шалтгааныг төрийн алба хаагчдын ихэнх хувь нь машинаар ажилдаа ирж, өдөржин байгууллагынхаа зогсоолыг ашигладаг учир үйлчлүүлэх иргэдэд хүндрэлтэй нөхцөл байдал үүсч, хомсдол бий болдогтой холбон тайлбарлаж буй юм.