Фэйсбүүк цахим сүлжээнд “Pubg аккаунт худалдаж авна” гэх зар оруулж, иргэдийг хуурч мэхлэн фэйсбүүк хаягт нь хууль бусаар нэвтэрч хохирол учруулсан хэргийг Эрүүгийн цагдаагийн албаны хаагчид илрүүлжээ. Энэ үйлдлийг Ш гэгч үйлдсэн болохыг тогтоосон байна.
Шалгалтаар иргэдийн фэйсбүүкт хууль бусаар нэвтэрч, тэдний ойр дотно хүмүүст нь “Гар утасны дугаараа өгөөч, фэйсбүүк хаягаа засах гээд код илгээчихлээ, тэр кодыг явуулаач” гэх мэтээр хувийн мэдээллийг нь авч, иргэдийн цахим хаягт хууль бусаар халдсан. Мөн бусдаас “мөнгө зээлэх үү” гэх зэргээр чат бичиж, “Gopoker”, “Naadam Play”, “Star Club Mongolia” зэрэг хууль бус цахим мөрийтэй тоглоомын сайтуудын данс руу гэмт хэргийн замаар олсон мөнгөө хүлээн авч, буцааж өөрийн дансанд шилжүүлсэн. Энэ байдлаар иргэдэд 250 орчим сая төгрөгийн хохирол учруулсан нь урьдчилсан байдлаар тогтоогдоод байна.
Хэрвээ танд дээрхтэй ижил төстэй явдал тохиолдвол гар утсанд тань ирсэн кодыг яасан ч буцаан явуулж болохгүй.
Сэжигтний гар утсанд иргэдийн фэйсбүүкийг хууль бусаар авахдаа ашигладаг 100 орчим Gmail хаяг болон иргэдээс хууль бусаар авсан 306 тооны фэйсбүүкийн цахим хаягийн зургийг хадгалсан байсныг эд мөрийн баримтаар бэхжүүлэн авч, хохирогч нарыг тогтоохоор мөрдөн шалгах ажиллагааг явуулж байна.
Хэрвээ танд дээрхтэй ижил төстэй явдал тохиолдвол гар утсанд тань ирсэн кодыг яасан ч буцаан явуулж болохгүй. Бас хэн нэгэн танил тань мөнгө шилжүүлэхийг хүссэн бол тухайн хүнээс өөрөөс нь заавал лавлаж фэйсбүүк хаяг ашигладаг цахим алиланд өртөхөөс сэргийлээрэй.
Эх сурвалж: ЦЕГ
+ There are no comments
Add yours