Хүүхэд зодсон цэцэрлэгийн багшийг шалгаж байна

Цэцэрлэгийн багш бага насны хүүхэд зодож буй бичлэг цахим орчинд тарсны дагуу хүүхэд зодсон багшийг цагдаагийн байгууллагаас шалгаж эхэлжээ.

Энэ талаар “Цагдаагийн байгууллагад 2023 оны есдүгээр сарын 8-ны өдөр Дархан-Уул аймгийн Дархан сумын “Бамбаруушхан” цэцэрлэгийн багш М нь нэг настай А-г зодож, эрх чөлөөнд нь халдсан тухай дуудлага, мэдээлэл бүртгэгдсэнийг Дархан-Уул аймгийн цагдаагийн газар гомдол, мэдээллийн бүртгэлд аван, шалгаж байна” гэж Цагдаагийн ерөнхий газраас мэдээллээ.