НҮБ-ын Хүнс, хөдөө аж ахуйн байгууллагын “Залуу малчдын сургалтын тогтолцоог хөгжүүлэхэд дэмжлэг үзүүлэх” техник хамтын ажиллагааны төслийг Хүнс, хөдөө аж ахуй, хөнгөн үйлдвэрийн яам хамтран хэрэгжүүлж байна. Энэ хүрээнд малчин залуусын туршлага судлах аяллыг Булган аймагт зохион байгуулж байгаа юм.
л аймгийн малчин залуус Булган аймгийн Хангал суманд Барга үүлдрийн махны чиглэлийн илүү нугаламт хонь өсгөн үржүүлж буй Х.Эрдэнэбулганыд зочилж, малыг богино хугацаанд хэрхэн эдийн засгийн эргэлтэд оруулах талаар туршлага судалжээ.
Х.Эрдэнэбулган одоогоос дөрвөн жилийн өмнө суурин амьдралын хэв маягаас нүүдэлчин ахуй соёл руу шилжих шийдвэр гаргажээ. Дорнод аймгийн Хөлөнбуйр сумаас 300 толгой хээлтэгч хонь авчирч аж ахуйгаа эхлүүлж байжээ. Тэрбээр цэвэр үржлийн цөм сүрэг бий болгох зорилготой ажиллаж байна.
Таван хошуу малын дундаас эдийн засгийн хувьд хамгийн үр ашигтай нь хонь гэдгийг онцлов. Мөн бэлчээр усыг хайрлан хамгаалж, малаа бэлчээх, малыг аль болох богино хугацаанд эдийн засгийн эргэлтэд оруулах нь чухал болохыг залууст зөвлөлөө.
+ There are no comments
Add yours