Муйатай боксын “Азийн аваргын бүс”-ний төлөөх тулаан болоход нэг хоног үлдлээ

Холимог тулааны “UNDEFEATED MMA” холбоо болон “Fight media group” хамтран WMO буюу Дэлхийн Муайтай Холбооны муайтай боксын “Азийн аваргын бүс”-ний төлөөх тулааныг энэ сарын 21-ны Баасан гарагт зохион байгуулах гэж байна. Энэ удаагийн тулаанд 14 тулаанч тулалдах бөгөөд Япон болон Лаос улсын шилдэг тулаанчид ирж оролцож буйгаараа онцлог юм.

Энэхүү тэмцээний “Оргил тулаан”-д Японы “Deep” кикбоскын холбооны аварга Риояа Инай мэргэжлийн кикбоксын Ази, Дэлхийн аварга Ө.Төрбаяр нар муайтай боксын “Азийн аваргын бүс”-ний төлөө тулалдана. Харин “Дэд оргил тулаан”-д MGL-1 FC холбооны хоёр удаагийн аварга Н.Цацрал, тулаанч Н.Батцэнгэл нар хоорондоо тулалдах аж. Түүнчлэн, “Road to One” реалити шоуны оролцогч, тулаанч А.Тэмүүлэн, Г.Бат-Ирээдүй, И.Ядамсүрэн, Лаосын тулаанч Као Каяа нарын шилдэг 14 тулаанчид халз тулалдах юм.

Хөлбөмбөгийн холбооны футзал ордонд Баасан гарагт зохион байгуулагдах муайтай боксын “Азийн аваргын бүс”-ний төлөөх гал гарсан тулааныг холимог тулаан, муайтай бокс сонирхогч та бүхэн өргөнөөр ирж үзэхийг урьж байна.

Тулааны тухай дэлгэрэнгүй мэдээллийг Undefeated MMA Mongolia фэйсбүүк хуудсаар, тасалбарыг https://ticket.mn/event/1337/ холбоосоор худалдан аваарай.