Барилга, хот байгуулалтын сайд Б.Мөнхбаатарын урилгаар БНСУ-ын Инчоны Орон сууц, хотын хөгжлийн корпорацийн гүйцэтгэх захирал Ли Санву албаны төлөөллүүдийн хамт ажлын айлчлал хийж байна. Айлчлалын зорилго “Шинэ Зуунмод” хотыг байгуулах хүрээнд БНСУ-ын 10 гаруй хотыг байгуулсан туршлагатай Инчоны Орон сууц, хотын хөгжлийн корпорацитай хамтарч ажиллахад чиглэж байна.
Барилга, хот байгуулалтын сайд Б.Мөнхбаатар өнөөдөр /2022.04.07/-ны өдөр Инчоны Орон сууц, хотын хөгжлийн корпорацийн гүйцэтгэх захирал Ли Санву болон бусад албаны төлөөллүүдийг хүлээн авч уулзлаа.
Уулзалтын эхэнд Монгол Улс, Бүгд Найрамдах Солонгос Улсын хооронд дипломат харилцаа тогтоосноос хойш 30 гаруй жилийн хугацаанд хоёр улсын хамтын ажиллагаа, нийгэм, соёлын харилцаа өргөн цар хүрээнд хөгжиж, салбар тус бүрийн чиглэлээр улам бүр өргөжиж байгааг тэмдэглэлээ. Мөн сайд Б.Мөнхбаатар өчигдөр буюу 2022.04.06-ны өдөр Монгол Улсын Засгийн газар шинэ дагуул хотынхоо Ерөнхий төлөвлөгөөг баталсан талаар мэдээлэл өгөв. Түүнчлэн эхний ээлжинд хөрөнгө оруулагч олон улсын донор байгууллагуудтай санал солилцож, хамтын ажиллагааны хэлбэрүүдийг тодорхойлох чиглэлээр ажиллаж байгаагийн зэрэгцээ орчин үеийн ухаалаг, ногоон шинэ хотуудыг амжилттай барьж байгуулсан Солонгос Улстай хамтран шинэ дагуул хотынхоо эдийн засгийн механизмыг тодорхойлох, газар доорх инженерийн дэд бүтцийн төлөвлөлтийн чиглэлүүдээр хамтран ажиллах сонирхолтой байгаагаа илэрхийлэв.
БНСУ-ын Инчоны Орон сууц, хотын хөгжлийн дарга Ли Санву хэлэхдээ: Хот байгуулах нүсэр том ажил. Гэхдээ бид олон хот байгуулсан туршлагатай. Хот байгуулах ажил газар чөлөөлөлт, нарийн төлөвлөлтөөс эхэлдэг. Танай Улсын хувьд Ерөнхий төлөвлөлтөө баталчихсан байгаа нь маш том эхлэл. Ерөнхий төлөвлөлтийнхөө хүрээнд хэсэгчилсэн төлөвлөлтүүдээ гаргаад ажлаа явуулах ёстой. Шинэ хот байгуулах ажил чинь яг зөв дарааллын дагуу явагдаж байна гэлээ. Мөн талууд Хөшигийн хөндийн тээвэр, логистикийн нэгдсэн төвийг Улаанбаатар хот болон орон нутагтай уялдуулан төлөвлөх, орчин үеийн ухаалаг, ногоон хот байгуулах, Засгийн газар, холбогдох яам болон төрийн байгууллагуудыг Сэжун хотруу нүүлгэн шилжүүлсэн туршлага, хотын эдийн засаг, бизнес загварыг тодорхойлсон байдал зэрэг асуудлын хүрээнд санал солилцов.
Эцэст нь талууд Шинэ хот байгуулах чиглэлээр хамтран ажиллахаар тохиролцлоо. Тус уулзалтад Барилга, хот байгуулалтын дэд сайд Э.Золбоо, БХБ-ын сайдын зөвлөх Л.Идэрцогт, БХБЯ-ны Бодлого төлөвлөлтийн газрын дарга Б.Гүнболд, яамны Инженерийн дэд бүтцийн хэлтсийн дарга Д.Мөнхбаатар, Гадаад хамтын ажиллагааны хэлтсийн дарга Б.Алтайбаатар, БНСУ-ын талаас Инчон хотын орон сууц, хотын хөгжлийн корпорацийн Ухаалаг хотын албаны ажлын дарга Жун Чэйху, Инчон хотын орон сууц, хотын хөгжлийн корпорацийн Нарийн бичгийн даргын газрын туслах менежер Хан Донхүй, Инчон хотын орон сууц, хотын хөгжлийн корпорацийн Ухаалаг хотын газрын дэд ерөнхий менежер Рүй Санбо нарын албан тушаалтнууд оролцлоо.
More Stories
“Зам тээврийн ослоос урьдчилан сэргийлье” сургалт эхэллээ
Хан-Уул дүүргийн ИТХ-ын Гэмт хэргээс урьдчилан сэргийлэх ажлыг зохицуулах салбар зөвлөлөөс гэмт хэрэг, зөрчлөөс урьдчилан сэргийлэх “Дуугарах цаг” аяны хүрээнд...
“Сүхбаатар дулааны цахилгаан станц” 150 мянган өрх, аж ахуйн нэгжийг цахилгаанаар, 30 мянган айл өрхийг дулаанаар хангана
Монгол Улсын Ерөнхийлөгч Ухнаагийн Хүрэлсүх Сэлэнгэ аймагт ажиллаж байна. Тэрбээр “Сүхбаатар дулааны цахилгаан станц”-ийн нээлтэд оролцов. Энэ станц орон нутгийн...
ЗГ:2030 он гэхэд 100 мянган өрхийг орон сууцанд оруулах бодлогыг зорилгоо болгон ажиллаж байна
Өчигдөр /2026.11.03/ 15:00 цагаас Төрийн ордны зүүн талын галарейд “100 мянган айлын орон сууц Үндэсний хөтөлбөрийн тухай мэдээллийг сэтгүүлчидэд өгөх...
Эрчим хүчний яам болон Зам тээврийн яамны Төрийн нарийн бичгийн дарга асан Б.Н-д шүүхээс 5 жилийн хорих ял ногдуулжээ
Авлигатай тэмцэх газрын Мөрдөн шалгах хэлтсээс мөрдөн шалгасан Зам тээврийн яамны Төрийн нарийн бичгийн даргаар ажиллаж байсан Б.Н нарын 5...
ХОТЫН ДАРГА АСАН Х.НЯМБААТАР ТУУЛЫН ХУРДНЫ ЗАМЫН ТӨСЛИЙН ХҮРЭЭНД “SHONGFU CONSTRUCTION ENGINEERING” КОМПАНИАС ИХ ХЭМЖЭЭНИЙ АВИЛГА АВЧ БАЙЖЭЭ
Хотын дарга асан Х.Нямбаатар нь Олон улсын хоригт орсон хятадын компанийг Туулын хурдны замын төсөлд оруулж их хэмжээний авилгалын мөнгийг...
Ерөнхийлөгч У.Хүрэлсүхэд Саксони муж улсын Ландтагийн Ерөнхийлөгч бараалхлаа
Монгол Улсын Ерөнхийлөгч Ухнаагийн Хүрэлсүхийн Холбооны Бүгд Найрамдах Герман Улсад хийж буй төрийн айлчлалын хүрээнд Саксони муж улсад хэрэгжүүлж буй...
