Ц.Пүрэвхүү ажлаас чөлөөлөгдөх өргөдлөө өгчээ

Монгол Улсын Ерөнхийлөгчийн Байгаль орчин, ногоон хөгжлийн бодлогын зөвлөх Ц.Пүрэвхүү өнөөдөр ЕТГ-ын дарга Я.Содбаатарт ажлаас чөлөөлөгдөх өргөдлөө өгчээ. Тэрээр өмнө нь “Утааныг эсрэг ээж, аавууд” ТББ-ын тэргүүн, Орчны бохирдлыг бууруулах үндэсний хорооны гишүүнээр тус тус ажиллаж байсан бөгөөд 2021 оны долоодугаар сард Ерөнхийлөгч У.Хүрэлсүхийн зөвлөхөөр томилогдсон юм.

Ц.Пүрэвхүү нь 1991-2001 онд Нийслэлийн 23 дугаар дунд сургууль, 2001-2005 онд Монгол Улсын их сургуулийг сэтгүүлч мэргэжлээр төгсөж, 2012-2014 онд АНУ-ын Калифорниа Интернэйшнл их сургуульд Олон улсын бизнесийн магистрын зэрэг хамгаалсан.

2005-2006 онд С1 телевизэд сэтгүүлч,
2006-2012 онд 25 дугаар суваг телевизэд сэтгүүлч, тоймч,
2010-2012 онд “Их талбар” ХХК-ийн Гүйцэтгэх захирал,
2017-2021 онд “Утааны эсрэг ээж аавууд” ТББ-ын Тэргүүн,
2019-2021 онд “Тавантолгой түлш” ХХК-ийн Төлөөлөн удирдах зөвлөлийн гишүүнээр тус тус ажилласан.
2019 онд Удирдлагын академийн Мэргэшил дээшлүүлэх институтэд Нийгмийн эгэх хариуцлага чиглэлээр мэргэжил дээшлүүлсэн.