Таксины жолоочийг хөнөөсөн төрсөн ах дүүсийг баривчилжээ

Сонгинохайрхан дүүргийн нэгдүгээр хорооны нутаг Нарангийн голын 42 дугаар сургуулийн урд таксины жолооч нас барсан байна гэсэн дуудлага цагдаагийн байгууллагад ирсэн байна. Дуудлагын дагуу хэргийн газар очсон цагдаагийн алба хаагчид хувиараа такси үйлчилгээнд явдаг 40 настай Б-г 05.45 цагийн орчим бусдад хутгалуулж амиа алдсан болохыг тогтоожээ.
Цагдаагийн алба хаагчид шуурхай ажиллаж өдрийн 12.30 цагийн орчим таксины жолооч Б-гийн амийг хөнөөсөн бүлэг этгээдийг саатуулсан байна. Ингэснээр таксины жолоочийн амийг хөнөөсөн бүлэг этгээдүүдийн дунд 2002, 2003 онд төрсөн ах дүү хоёр байсныг тогтоожээ. Сэжигтэн этгээдүүд таксины төлбөрөөс болж маргалдан жолооч Б-г хутгалан амийг нь хөнөөгөөд хэргийн газраас зугтсан бөгөөд 2002 онд төрсөн О.Тэлмүүн, 2003 онд төрсөн О.Төгөлдөр, 2003 онд төрсөн Э.Эрдэнэбаяр, 2001 онд төрсөн О.Онон нар болохыг цагдаагийн ажилтнууд шуурхай ажиллан илрүүлжээ. Хэргийг Сонгинохайрхан дүүргийн цагдаагийн газар үргэлжлүүлэн шалгаж байна.