” Энэ сарын 31-нд төв талбайд шинэ жилийн цэнгүүн болохгүй”

Шинэ он гарахад 10 хоног үлдэж байна. Нийслэлчүүд төв талбайд хуучин оноо үдэж, шинэ оноо угтдаг. Гэвч дэлхий нийтийг хамарсан коронавирусийн халдварын улмаас өнгөрсөн жил “Улаанбаатарын мөнгөн шөнө” шинэ жилийн цэнгүүнийг зохион байгуулаагүй. Энэ жилийн хувьд ч төв талбайд олныг хамарсан баярын үйл ажиллагаа хийхгүйг эх сурвалж хэллээ.

Түүнчлэн төрийн байгууллагынхныг шинэ жилийн баяр тэмдэглэхийг хориглосон Засгийн газрын тогтоол 2021 оны аравдугаар сарын 27-нд гарсан билээ.

Шинэ жилийн баярыг нийтээр тэмдэглэхгүй байгаа ч нийслэлчүүдийн сүлд модыг зассан хэвээр байна.