Ардчилсан намаас “Одоо боллоо” бүх нийтийн цуглаан зохион байгуулах талаар мэдээлэл хийлээ.
УИХ-ын гишүүн Б.Пүрэвдорж “Ардчилсан нам аравдугаар сарын 1-нд “Одоо боллоо” бүх нийтийн цуглааныг зохион байгуулна. Ковидын үед 20 орчим их наяд төгрөгийг зарцуулсан ч тодорхой үр дүн гараагүй. Дэлхийн улс орнууд цар тахлын эсрэг ДНБ-ий 17 хувийг зарцуулж байна. Гэтэл манай улс ДНБ-ий 60 хувьтай тэнцэх хэмжээний мөнгө зарцуулаад ч нас баралт, тохиолдлоороо дээгүүрт орж байгаа.
Эдийн засаг 5.4 хувиар унаж, инфляц хоёр оронтой тоо руу дөхлөө. ААН-үүдийн үйл ажиллагааг хааж, бизнесийн эрх чөлөөг боомилж байна. Тиймээс ковид-19-ийн хуулийг цуцлахыг шаардаж байгаа юм. Жижиг дунд бизнес эрхлэгчид, үйлчилгээний салбарт ажиллаж байгаа бүх хүмүүс цуглаанд ирж, үзэл бодлоо илэрхийлэхийг урьж байна” гэв.
+ There are no comments
Add yours