12 хүн нас барж, халдварын тохиолдол 1551-ээр нэмэгдлээ

Эрүүл мэндийн яамнаас коронавируст халдварын талаарх ээлжит /2021.07.05/ мэдээллийг хүргэж байна.

Сүүлийн 24 цагт 8699 хүнд шинжилгээ хийснээс 1551 хүнд коронавирус илэрчээ. Ингэснээр Монгол улсад бүртгэгдсэн нийт халдварын тоо 126811 болоод байна. Сүүлд батлагдсан тохиолдлуудын 76 орчим хувь нь нийслэлээс бүртгэгджээ.

Тодруулбал, Улаанбаатарт 863, хөдөө орон нутагт 688 нь бүртгэгдсэн. Мөн 42-86 насны 12 хүн нас барлаа хэмээн ЭМЯ-наас мэдээллээ.

Мөн сүүлийн 24 цагт 1028 хүн эдгэрч эмнэлгээс гарсан бол 1298 хүн эдгэрч гэрийн хяналтаас гарчээ. Ингэснээр нийт эдгэрсэн хүмүүсийн тоо 87145 болжээ. Харин одоогоор улсын хэмжээнд 39004 хүн эмнэлэгт, гэртээ эмчлүүлж байна.