ЭМЯ-наас Монгол Улс дахь коронавируст халдварын нөхцөл байдлын мэдээллийг хүргэж байна. Сүүлийн 24 цагт 10 мянга гаруй PCR шинжилгээ хийхэд 1460 хүнээс коронавирусийн халдвар илэрчээ. Үүний 505 нь орон нутагт илэрчээ. Орхон аймагт нийт тохиолдлын тоо 1000 давлаа.
Мөн арван иргэн нас баржээ. Гэртээ зочин урихгүй байх, гадуур шаардлагагүй бол явахгүй байхыг ЭМЯ-наас анхааруулав. 7100 орчим иргэн эмнэлэгт хэвтэн эмчлүүлж байгаагаас 4000 орчим нь хөнгөн хэлбэрийн өвчтөнүүд байгаа юм.
Гэрийн хяналтад 7264 хүн байна. Эдгээр иргэд халуунаа тогтмол үзэн, сайн унтаж амрахыг зөвлөв. Мөн өрхийн эмчээ утсаар ярихыг хүлээлгүй, өөрөө хандаж байх хэрэгтэй боллоо. Учир нь өрхийн эмч нар маш их ачаалалтай ажиллаж байна гэв.
+ There are no comments
Add yours