Их хотын завгүй амьдралын хэв маягаас залхаж, олон цаг замын хөдөлгөөны ачааллаас бол зам дээр түгжирч стрестэж байгаа танд дугуй унаж амьдралаа зугаатай өнгөрүүлэхийг санал болгож байна.
Дугуй унах нь:
🔶Эрүүл мэндэд ашигтай
🔶Өрх бүрийн эдийн засагт ч хэмнэлт гарна
🔶 Агаарын бохирдлыг бууруулах гэх мэт олон талын ач холбогдолтой учир дулааны улиралд аль болох автомашин унахаас татгалзаж, явган явах , нийтийн тээврээр үйлчлүүлэхийг нийт иргэддээ уриалж байна.
ДУГУЙГ ХЭРХЭН ЗӨВ УНАХ ВЭ?
Дугуй унах нь дэлхийн хамгийн түгээмэл спортын төрлүүдийн нэг. Унадаг дугуйг зөвхөн спортоос гадна эрүүл мэнддээ анхаарал тавин, байгаль орчноо бохирдуулахгүйг эрхэмлэдэг хүн болгон унадаг. Дугуйг бүх насныхан унахад тохиромжтой бөгөөд эрүүл мэндэд маш их ач тустай.
Дугуй унаснаар таны хөлийн булчин хөгжиж, зүрх судасны болон амьсгалын замын систем сайжирдаг. Цэвэр агаарт удаан дугуй унаснаар уушиг бүрэн хүчин чадлаараа ажиллаж эхэлдэг байна. Үүний зэрэгцээ тархины цусан хангамж нэмэгдэж, бусад амин чухал эрхтэнг хүчилтөрөгчөөр баяжуулдаг. Дугуй байнга унадаг хүн өвлийн цагт ч ханиадыг мартана.
+ There are no comments
Add yours