Нийслэлчүүд өнгөрсөн өвөл 704,634 тонн сайжруулсан түлш хэрэглэжээ

Нийслэлийн Засаг даргын Зөвлөлийн хурал 2021 оны 05 дугаар сарын 21-ний өдөр зохион байгуулагдан хэд хэдэн асуудлыг хөндөж, цаашид хийж хэрэгжүүлэх ажлын талаар мөн хэлэлцлээ.
🔸2020-2021 оны өвөл Нийслэлчүүд 704,634 тонн сайжруулсан түлш хэрэглэсэн. Үүнээс 504,923 тонныг 75%-ийн хөнгөлөлттэй үнээр борлуулсан байна.
🔸Цаашид энэ тоо өсөх хандлагатай тул 2021-2022 оны өвөлжилтийн бэлтгэл хангах зорилгоор 5-9 саруудад дүүрэг тус бүр 10,000 тоннын сайжруулсан түлшний нөөц бүрдүүлнэ.
🔸Уул уурхайн олборлолтын улмаас эвдэгдсэн 75 га талбайд нөхөн сэргээлт хийх. Ундны усны эх үүсвэрийг хамгаалах зорилгоор ой бүхий талбайн хэмжээг нэмэгдүүлэх ойн зурвас байгуулах
🔸Туул голын дагуу улирлын чанартай 15 урамшуулалт орон тооны бус эргүүл ажиллуулж, хамгаалалтын бүсийн дэглэмийг мөрдүүлнэ.
🔸Агаар, орчны бохирдолд нөлөөлж буй хүчин зүйлсийн нэг нүхэн бөгөөд зайлшгүй анхаарал хандуулах шаардлагатай. Үүн дээр бие даасан бодлого боловсруулж судалгааны ажилд анхаарах, анхан шатны нэгж байгуулж ажиллахад гол бодлогоо чиглүүлнэ.
🔸“Нэг өрх-нэг мод” аян зохион байгуулна гэх зэргээр агаар, орчны бохирдлыг бууруулахад чиглэсэн ажлыг эрчимжүүлэн ажиллах талаар чиглэл өгөгдсөн.