Засгийн газраас Монгол Улсын иргэн бүрд 300 мянган төгрөгийн дэмжлэг олгохоор болсон.Энэхүү шийдвэрийн хүрээнд өчигдөр 1 сая 196 мянган хүүхдийн данс руу гүйлгээ хийгдсэн бол өнөөдөр 1 сая 651 мянга орчим иргэдийн 300 мянган төгрөгийн гүйлгээ ebarimt.mn болон ekhalamj.mn-д бүртгэлтэй данс уруу шилжүүлэхэд бэлэн болсон тухай Сангийн яамнаас мэдээллээ. Эдгээр иргэдийн мөнгийг өнөөдөртөө багтан шилжүүлэх юм байна.
Сангийн яамны Төрийн сангийн газрын дарга М.Батхуяг “Хүүхдийн мөнгө авдаг хүүхдүүдэд 300 мянган төгрөгийг олгосон. Нийт 1,196,578 хүүхдэд олгосон. Нийгмийн хамгаалал хөдөлмөрийн сайд болон Сангийн сайд нар Засгийн газрын тогтоолыг хэрэгжүүлж байгаа бөгөөд НХХЯ-наас иргэдийн бүртгэлийг өгч байна” гэв.
Харин ebarimt системд бүртгэл үүсгээгүй иргэд ebarimt.mn-д бүртгүүлэн дансаа оруулснаар төрөөс олгож байгаа дэмжлэгийг авах боломжтой юм байна. Шинээр бүртгэл хийлгэсэн иргэд гурван хоногийн дараа бүртгэл нь баталгаажиж, мөнгөө авах боломжтой бөгөөд банк, төрийн байгууллагад очих шаардлагагүй юм байна.
+ There are no comments
Add yours