Засгийн газраас дөрөвдүгээр сарын 10-25-ны өдрүүдэд хатуу хөл хорио тогтоохоор шийдвэрлэсэн.
Тэгвэл хөл хорионы эхний долоо хоногийн ажлын өдрүүдэд буюу Даваагаас Баасан гараг хүртэл Төрийн банкны Улаанбаатар хотын салбар нэгжүүд 09:00-16:00 цагийн хооронд ажиллахаа мэдэгджээ.
Мөн хугацаанд иргэд Төрийн банкны салбаруудаар үйлчлүүлэхдээ амны хаалт зүүж, бээлий өмсөж халдвар хамгааллын дэглэмээ чанд сахихыг сануулсан байна.
Харин Худалдаа хөгжлийн банк болон Улаанбаатар хот дахь бүх салбар нэгжүүд хөл хорионы үеэр бүгд ажиллахгүй хэмээн мэдэгдэл гаргажээ.
Мөн Голомт банк, Хаанбанкнаас хөл хорионы үеэр ажиллах эсэхийг тодруулахад бүх салбар нэгжүүд ажиллахгүй гэсэн хариу өгөв. Харин Хасбанк ажиллах эсэх нь тодорхойгүй байна.
Ташрамд дурдахад, хатуу хөл хорио тогтоохтой холбоотойгоор Засгийн газраас иргэн бүрд 300,000 төгрөг олгохоор шийдвэрлэж, арилжааны банкуудаар дамжуулан шилжүүлж эхэлсэн.
Үүнтэй холбоотойгоор зарим банкны ачаалал нэмэгдэж, карт уншихгүй байх тохиолдол цөөнгүй гарч байгаа талаар иргэд хэлж байна.
