“Россельхознадзорын харьяа Холбооны малын эрүүл мэндийн төвөөс амьтдад зориулсан анхны вакцин болох “Карнивак-Ков” хэмээх Ковид-19-ийн вакциныг ОХУ бүртгэн авчээ.
“Карнивак-Ков” вакцин нь амьтдыг коронавирусийн халдвар авахаас сэргийлэх дэлхийн хамгийн анхны, цорын ганц вакцинаар бүртгэгдэж байна” гэж Россельхознадзорын мэдэгдэлд дурджээ.
Уг вакциныг дөрөвдүгээр сараас үйлдвэрлэж эхлэх юм байна.
Өнгөрсөн оны аравдугаар сараас эхэлсэн вакцины клиник туршилтад нохой, муур, арктикийн үнэг, усны нохой, үнэг болон бусад амьтдыг хамруулжээ. Вакцинд хамрагдсан бүх амьтдад 100 хувь коронавирусийн эсрэг бие үүсэж байгаа нь батлагджээ.
Эх сурвалж: ТАСС
+ There are no comments
Add yours